飛機褸同棒球褸點先有型？
唔係加個大 Logo 就得

一、飛機褸同棒球褸有咩分別？

• 飛機褸：通常剪裁短身，袖口同下擺有羅紋，整體感覺較型格，適合 MA-1 風格。
• 棒球褸：撞色袖位、胸口字母、背後大圖案都好常見，學生團體同大學社團會比較喜歡。
• Hoodie / 班褸：如果想日常更易著、保暖感更強，可比較 班褸訂造及 Hoodie 訂製。

二、Logo 建議：刺繡比大面積印花更有外套感

飛機褸同棒球褸本身已有外套感，如果 Logo 做得太平面，整體質感會打折扣。左胸小 Logo、班徽、年份或名字，通常可用刺繡；背後大圖案或活動口號則視乎設計複雜度決定印製方式。

• 胸口刺繡：適合班徽、隊名、公司 Logo。
• 背部大圖：適合大學社團、Ocamp 主題或團體活動。
• 袖口名字：個人化效果好，但一定要核對名單同拼寫。

（圖：飛機褸及棒球褸訂製要留意刺繡、車線與布料質感）

三、訂造前要預留幾耐？

外套製作比 T 恤複雜，尤其涉及刺繡、撞色、個人名字或自訂剪裁時，建議至少預留 4–5 星期。急單可以先查詢現有款式或簡化設計，會較易安排。